Bolalar futboli. Qashqadaryoda “O'FA kubogi” bo'lib o'tdi
10 iyu 2018 11:42
Yangiliklar

Bolalar futboli. Qashqadaryoda “O'FA kubogi” bo'lib o'tdi

O'zbekiston futbol associaciyasi tomonidan mamlakatimizda futbolga yanada rivojlantirish, yangi bosqichga olib chiqish, yosh avlod orasida sog'lom turmush tarzini targ'ib qilish borasida keng ko'lamli islohatlar amalga oshirilmoqda.

Samarqand va Sirdaryo viloyatlarida mahallalardagi 10-12 yoshli o'smirlar o'rtasida mini-futbol bo'yicha “O'FA KUBOGI” musobaqasi bo'lib o'tgani haqida xabar berib o'tgan edik.

Ushbu futbol musobaqasini o'tkazish navbati Qashqadaryoga etib keldi. Qarshi shahrida tashkil qilingan o'yinlarda, g'oliblar aniqlandi. Turnirda “Kat” mahalla fuqarolar yig'ini g'olib bo'lgan bo'lsa, “Navo” MFY hamda “Gulshan” MFYlarga 2-3 o'rinlar nasib qildi.

Musobaqadan asosiy maqsad, bolalar orasida sportning futbol turini targ'ib qilish, ularda sog'lom turmush tarzini shakllantirish, mahallalardagi yoshlar orasidan iqtidorli sportchilarni tanlab olish, yoshlarni bo'sh vaqtlarini mazmunli o'tkazishdan iborat.