Bolalar futboli. Qashqadaryo jamoasi Muhammad Yusuf nomidagi ijod maktabida bo'lishdi
08 noy 2020 10:09
Yangiliklar

Bolalar futboli. Qashqadaryo jamoasi Muhammad Yusuf nomidagi ijod maktabida bo'lishdi

Teglar : Qashqadaryo

Xabaringiz bor, joriy yilning 3-8 noyabr kunlari mamlakatimizning turli hududlarida 2003 yildan 2007 yilgacha tug'ilgan futbol mahorati maktablari tarbiyalanuvchilari o'rtasida “Professional futbol maktablari ligasi”ning O'zbekiston chempionati bahslari davom etmoqda.

Xususan, Qashqadaryo viloyati futbol mahorati maktabining 2007 yilda tavallud topgan tarbiyalanuvchilari ham Andijon shahrida o'tgan mazkur chempionatda ishtirok etdi. Qashqadaryo jamoasi ushbu o'yinlardan keyin bo'sh vaqtlarini mazmunli o'tkazish maqsadida Andijon shahridagi Muhammad Yusuf nomli ijod maktabiga tashrif buyurishdi.

Prezidentimiz tomonidan ilgari surilgan beshta muhim tashabbus ijrosini taminlash maqsadida Qashqadaryo viloyat futbol mahorati maktabining alohida dastur-rejasi bo'lib, ushbu tashrif ham beshta muhim tashabbus ijrosini taminlashiga xizmat qiladi.

- Serqirra ijodkor, istedodli shoirimiz Muhammad Yusuf sherlarini o'qish, o'rganish, ijodini keng targ'ib qilish, ayniqsa, yoshlarimizning zo'r qiziqish bilan kitoblarini o'qishi ularning tafakkur olami kengayishga xizmat qiladi, - deydi Qashqadaryo viloyat futbol mahorati maktabining manaviyat-marifat ishlari bo'yicha direktor o'rinbosari SHavkat Ro'ziev.- “Besh tashabbus kelajagimiz poydevori” shiori ostida ushbu ijodiy sayohatni tashkil etdik. Ijod maktabi jamoasining munosib kutib olishi, o'quvchilarining shoir ijodidan sherlar o'qib berishi, muzeyni tomosha qilishi yosh futbolchilarimizda bir olam tasurot qoldirdi. Fursatdan foydalanib ijod maktabi jamoasiga minnatdorchilik bildirib qolamiz.

Ilhom RAHMONOV tayyorladi