Bobirjon Omonov: "Murabbiylar ko'rsatmalarini bexato bajarsak, ijobiy natijalarga erishamiz"

10-tur doirasida bo'lib o'tadigan “Paxtakor” - “Buxoro” uchrashuvi oldidan buxoroliklar himoyachisi Bobirjon Amonov bo'lajak o'yin haqida o'z fikrlarini bildirdi:

“Ertaga bo'lib o'tadigan o'yin xar ikkala jamoa uchun ham oson kechmasligi aniq. Garchi “Paxtakor” bu mavsum ko'ngildagidek o'yin namoish etmayotgan bo'lsa-da, ushbu jamoa tarkibida ko'plab milliy terma jamoa futbolchilari jamlanishganini unutmaslik lozim. Toshkentda “Paxtakor” har qanday raqibga jiddiy qarshilik ko'rsatadigan jamoa sanaladi. Nima bo'lgan taqdirda biz o'z kuchimizga ishonamiz. Agar murabbiylar ko'rsatmalarini bexato bajara olsak, o'ylayman-ki ijobiy natijani qo'lga kiritsa bo'ladi. Eng asosiysi uzoq yo'l bosib keladigan buxorolik muxlislar va umuman stadionga tashrif buyuradigan muxlislar oldida chiroyli futbol namoish etishga bor kuchimiz bilan harakat qilamiz” - dedi Amonov.