Bobir Abdixoliqov: "Evropaning kuchliroq chempionatida to'p tepish niyatidaman"

- Rossiya bilan birinchi marta o'ynayapmiz. O'ziga xos tarixiy uchrashuv bo'ladi. Bu borada nima deya olasiz?

- Xudo xohlasa, ertaga g'alaba uchun maydonga tushamiz. Xalqimizni xursand qilish niyatidamiz. 

- Terma jamoa yig'inidan keyingi rejalar qanaqa?

- Yig'in yakunlangach, yana Belarusga qaytishim kerak. BATE bilan Kubok doirasidagi o'yinimiz bor. O'sha o'yindan so'ng dam olishga chiqamiz. Ozgina dam olib, keyin bir qarorga kelamiz. 

- Polsha va yana turli Evropa klublaridan takliflar borligini eshitdik...

- Ha, takliflar bor. Xudo xohlasa, chempionat o'yinlarini tugatib, shoshmasdan bir qarorga kelamiz.

- Klub rahbariyati va menejerlar hal etishadimi yoki baribir sizdan ham so'rashadimi?

- Oxirgi so'zni men aytaman. Xohishimga qarab, yo'l tutiladi. 

- O'zingizga qolsa, qaysi variantni tanlagan bo'lardingiz?

- Evropaning kuchliroq chempionatida to'p tepish niyatidaman. 

- "Energetik-BGU" klubi vakillari qanday fikrda?

- Ular kuchliroq chempionatga yo'l olishimni istashadi.