Birinchi liga qanday bo'lmog'i kerak? Muxtor Qurbonov: “Xuddi oliy liga kabi o'tkazish kerak”

Kimdir huddi oliy liga kabi o'tkazish kerak desa, yana boshqa turli xil fikrlarni ilgari surmoqda. Bugundan boshlab, har kuni birinchi liganing mutaxassislari bilan suhbatlashib, ularning bu boradagi musohabalarini berib boramiz. Ajab emaski, PFL xodimlari bunga etibor qaratib, bo'lajak chempionat tizimiga ayrim o'zgartirishlar kiritsa.

Demak, yangi loyixamizning dastlabki mehmoni “NBU-Osiyo”ning sobiq murabbiyiga aylanib ulgurgan Muxtor Qurbonovdir.

- Birinchi liga chempionatining tizimiga o'zgaritirish kiritish shart deb hisoblayman. Buning uchun huddi oliy liga kabi ikki davradan iborat bo'lishi kerak. O'tgan yili ikki bosqichli chempionatni o'tkazdik. Ochig'i, ikkinchi bosqichga yo'l olayotganimizda autsayderlardan olgan ochkolarimiz bekor qilindi. Bu ayrim klublarni chalg'itib ham qo'ydi. Tushunarsizroq bo'lgandek tuyuldi nazarimda.

- SHuning uchun soddaroq shaklda, ikki davradan iborat chempionat tashkil etilsa maqsadga muvofiq bo'lardi.

- Ishtirokchi jamoalarni “SHarq” va “G'arb” mintaqasiga ajratishdan ko'zlangan maqsad moliyaviy imkoniyatni tejash edi. Agarda oliy liga kabi o'tkazilsa jamoalar moddiy jihatdan qiynalib qolishlari mumkin degan fikrga borilgan. Lekin ikki davradan iborat qilib, safar o'yiniga borganda, bira to'la ikkita uchrashuv o'tkazib, keyin o'z maydonida ikkita raqibni qabul qilsa ham bo'ladi. Adashmasam 1996- 1997 yillardagi oliy liga shu tartibda o'tkazilgandi. SHunday qilinsa chempionat qiziqroq o'tadi deb o'ylayman. Qolaversa birinchi liga jamoalari ham oliy liga tizimiga moslashib boradi.


Islombek Rustambekov yozib oldi.