Birinchi liga qaerga qarab ketmoqda yoxud “Yozyovon-Lochinlari” ham safarga 11 nafar futbolchi bilan jo'nab ketdi

Bugun esa yana birinchi liganing boshqa bir jamoasidan shunday xabar keldi. Endi bu safar Farg'onaning “Yozyovon-Lochinlari”da muammo yuzaga kelgan. O'z nomini sir tutish taklifi bilan bizga malumotlarni etkazgan shaxsning aytishicha, jamoada moddiy muammolar yuzaga kelganiga ancha vaqt bo'lgan. Futbolchilar deyarli mavsum boshidan buyon nasiyaga o'ynab kelayotgan ekan. Yozyovonliklar ikkinchi bosqichning navbatdagi turini, 20 sentyabr kuni Nukusda “Orol”ga qarshi o'tkazadi. Mazkur bo'lajak bahsga futbolchilarning borishi so'roq ostida bo'lib, rahbariyat so'nggi pallada safarga borib kelishni imkon qadar taminlab bergan. SHunda ham 11 nafar futbolchi bilan jo'nab ketilgan. Ularni Nukusga olib borib kelish klub mamuri gardaniga yuklangan. Demak, “Orol”ga qarshi kimlarning o'ynashi aniq. Maboda biror-bir futbolchi jaroxatga yo'liqsa, bilmadik uning o'rnini kim to'ldirar ekan?!

SHuningdek safarga bosh murabbiysiz ketgan klubdan ijobiy natija kutish ham noo'rin bo'lsa kerak. Yana bilmadik.

CHetdan qaraganda, birinchi liga o'yinlari shunchaki rasmiyatchilik uchun o'tkazilayotgandek taassurot qoldirmoqda. SHu kungacha biror-bir viloyatga PFL vakilining borib, o'yinlarni tashkil etish yoki u erdagi vaziyat bilan tanishganini uchratmadik. Ko'p guvoh bo'lamiz ayrim stadionlar talabga javob bermasada, uchrashuv o'tkazib kelinmoqda. U erda na tablo bor, na stadion suhandoni uchun karnaylar. Xattoki o'yindan oldin jamoalar maydonga chiqib kelayotganida PFL madhiyasi ham qo'yilmayapti. Jazirama yozning ayni chillasida suniy maydonda javlon urayotgan futbolchilarga achinasan kishi.

SHunday paytda o'ylanib qolasan kishi – birinchi liga qaerga qarab ketmoqda.