Birinchi liga. "Dinamo" safarda "Orol"ni mag'lub etdi
30 apr 2016 07:09
Yangiliklar
![](https://championat.asia/upload/storage/206509_original.jpg)
![](/upload/storage/206509_220.jpg)
Birinchi liga. "Dinamo" safarda "Orol"ni mag'lub etdi
O'yindan avval jamoa jamoa bosh menejeri Ilhom SHaripov aytganidek, Nukusdagi suniy qoplamali maydondagi o'yin Dinamo uchun jiddiy sinov bo'ldi. Quvonarlisi, vakillarimiz bu sinovdan muvaffaqiyatli o'tishdi.
O'yinning dastlabki o'n daqiqaligi maydonga moslashish uchun ketgan bo'lsa, so'ng har ikki jamoa ham hujumkor ruhda to'p surdi. Bu tablodagi hisobning ochilishiga sabab bo'ldi – yosh hujumchi Amirjon Safarov mavsumdagi uchinchi golini urib jamoasini oldinga olib chiqdi – 0:1.
Goldan so'ng mezbonlar ham vaziyatni o'nglash istagida bo'lishdi va natijada tanaffusga jamoalar 1:1 hisobida chiqib ketishdi.
Ikkinchi bo'lim ham Dinamo hujumlari ostida boshlandi. Yarimhimoyachi Omadjon Tayloqovning kuchli zarbasidan so'ng hisob o'zgardi – 1:2.
Dinamochilar yana hisobda oldinga chiqib olishgach, ushbu natijani saqlashga urinishdi va buning evaziga jazolanishdi – qoraqalpog'istonliklar bu safar ham muvozanatni tiklashdi – 2:2.
Bu paytda uchrashuv yakunlanishiga oz vaqt qolgan, stadiondagi muxlislar esa bahs jangovar durang natijasi bilan tugashini kutishayotgandi. Ammo bu natija Samarqand jamoasini qoniqtirmasligi aniq edi. SHu bois Ko'hna shaharliklar o'yinning so'nggi daqiqasiga qadar hujumkorlikdan to'xtashmadi.
Intilganga tole yor deganlaridek, Dinamo futbolchilarining bu intilishlari zoya ketmadi. Hakam tomonidan qo'shib berilgan so'nggi 90+4-daqiqada samarqandlik yosh himoyachi Bunyod Isroilovning mavsumdagi ilk goli Dinamoga safardan muhim g'alaba bilan qaytishini taminladi, 2:3.
Etiborlisi, mavsumning ikkita turini ochko yo'qotish bilan boshlagan dinamochilar, ketma-ket 4 ta turni g'alaba bilan yakunlashdi.
Navbatdagi uchrashuvda Dinamo 5 may kuni Paxtakor-2 jamoasini qabul qiladi.
Birinchi Liga. 6-tur.
29 aprel (juma)
Orol – Dinamo - 2:3
Hakamlar: K. Rasulov (Qarshi), N. Boltaev (Navoiy), S. Sattarov (Qarshi)
Nazoratchi: SH. Jumaev (Qarshi).
Gollar: I.Seytnazarov 40, R.Musaev 80 - Amirjon Safarov 14, Omadjon Tayloqov 65, Bunyod Isroilov 90+4.
Orol: SHaropat Bekimbetov, SHariyor Karimboev, Navruz Xaipov, Samat Polvonov, Temur Turdiev, Pulat Urazboev, Rasul Musaev, Maksud Kalnazarov, Rinat SHulmanov, Islom Seytnazarov, Kayrat Jazizov.
Zaxira: Jaksiboy Allamberganov, Salamat Otamurotov, Farrux Niyozimbetov, Oybek Ruzimov, Albert Siddikov, Kurdiyor Eraliev, Islom Usmaddinov.
Dinamo: Mixail Naumov, Akmal Bozorov, Bunyod Isroilov, Aleksey Nikolaev, Firdavs Abdusalimov, Omad Tayloqov, Jasur Azimov, Saidjamol Davlatjonov, Doston Ibragimov, Alisher Xoliqov, Amirjon Safarov.
Zaxira: SHuxrat Murodov, Mirkomil Lokaev, Laziz Nuriddinov, Islom SHaripov, Temur SHaripov, Jonibek Ko'chimov, Viktor Klishin.
O’xshash yangiliklar
![AMP Logo](https://championat.asia/image/logo-amp.png)
Fikrlar