Beyl yana bir bor o'yin tugamasidan stadiondan ketib qoldi

LaLiganing 19-turida "Real" o'z maydonida "Espanol"ni mag'lub etdi va turnir jadvali etakchiligini o'z qo'liga oldi. 30 yoshli xavbek Garet Beyl esa 80-daqiqada Karim Benzemaning golidan keyin stadionni tark etdi.

Bunga qadar ham uelslik futbolchi shu ishni qilgandi. 31 oktyabr kuni "Leganes"ga qarshi o'yinning 82-daqiqasida u stadiondan ketib qolgandi.

Ammo klubning ichki qoidalariga ko'ra, futbolchilar o'yinni 80-daqiqagacha ko'rishga majbur. O'tgan safar Beyl hech qanday jazoga tortilmagandi.

Eslatib o'tamiz, Beyl jarohati bois safdan chiqqan.