Beyl "Nyukasl"ning yangi egalari nishonida

Marca xabariga ko'ra, Beylning transferini "Nyukasl"ning yangi egalari xohlamoqda. Biroq, muzokaralar hali boshlanmagan.

"Nyukasl" rejasiga ko'ra, rahbariyat yangi jamoani qurish niyatida juda katta maosh evaziga 2-3 o'yinchini klubga jalb qilmoqchi. SHu tufayli Beyl "Real"dagi maoshi bilan taqqoslanadigan darajadagi taklifni qo'lga kiritishi mumkin (yiliga taxminan 17 million evro).

"Real" Beylni sotishga qarshi chiqmaydi va transfer summasi 20 million evrodan ziyod bo'lishi ehtimoldan yiroq, chunki uelslikning ketishi klubga moliyaviy tarafdan o'zini tiklab olishiga yo'l ochadi.

Beylning "Real" bilan tuzilgan hozirgi shartnomasi 2022 yil iyuniga qadar amal qiladi.

Garet Beyl ushbu mavsumda "Real" uchun La Ligada 14 o'yin o'tkazib, 2 ta gol urgan va 2 ta golli uzatma qayd etgan.