Baxtiyor Sattorov: "Lokomotiv"ga qarshi o'ynash yigitlar uchun juda qiziq bo'ldi"
30 may 2018 21:45
Yangiliklar

Baxtiyor Sattorov: "Lokomotiv"ga qarshi o'ynash yigitlar uchun juda qiziq bo'ldi"

O'zbekiston Kubogi 1/8 finali doirasida "Lokomotiv" - "SHerdor" (7:0) jamoalari o'rtasidagi uchrashuvdan keyin mehmonlar ustozi Baxtiyor Sattorov o'z fikrlarini bildirib o'tdi.

"Amaldagi chempionni g'alaba bilan tabriklayman. Uchrashuvdan oldin yigitlarda charchoq alomati sezildi. Qilgan mehnatlarimizni ko'rsata oldik. Uchrashuvda asosan 1999, 2000 yilda tug'ilgan futbolchilar harakat qilishdi. Ular uchun terma jamoa, mashhur futbolchilarga qarshi o'ynash qiziq bo'ldi.

Sanjarbek bizning to'purar hisoblanadi. Uni maydonga tushirmaganim sababi, u jismoniy holati yaxshi emasdi. SHuning uchun ham unga dam berdik. Uni chempionatga saqlab qoldik.

Bizda faqatgina bitta tajribali futbolchi bor. Qolganlar esa juda yosh. Ularning psixologiyasi har doim ham barqaror emas. Hozirda biz shuning ustida ishlayapmiz. Nasib qilsa, ikkinchi davrada barqaror bo'lamiz.

G'olibjon Sariboev: "Yigitlarga rahmat aytaman. Biz yoshlar bahs davomida tajribasizlikka yo'l qo'ydik. Ammo biz o'zimiz uchun kerakli tajriba maktabiga ega bo'ldik"

Havola :

Manba : championat.asia

Yangiliklarni Telegramda o'qing!

Reyting: +2