Baxtiyor Qambaraliev: "Iordaniyani bemalol yuta olamiz"

Bugungi kunda birinchi liga vakili "NBU-Osiyo" murabbiylar shtabida faoliyat yuritayotgan sobiq futbolchi, bosh jamoamiz tarkibida 16ta o'yin o'tkazgan (1252 daqiqa) va bir bor o'z hisobiga gol yozib qo'ygan.

- Iordaniya bilan dastlabki o'yin biz uchun qoniqarli natija bilan yakun topishini istagandik. Yakunda shunday ham bo'ldi. Aslida yigitlarimiz Ammanda g'alaba qozonishlari ham hech gap emasdi. Uchrashuvni boshqarish to'liq futbolchilarimiz tomonida bo'ldi. Iordaniya yutsa bo'ladigan raqib ekanligi o'yin davomida shundoq ko'zga tashlandi. Raqib cho'chitadigan darajada emas ekan. SHu bois o'ylaymanki, ularni Toshkentda kechadigan bahsda bemalol yuta olmamiz. SHaxsan men bunga to'liq ishonaman.

- Aftidan durang futbolchilarimiz uchun qoniqarli edi shekilli, ular asosan shu hisobni ushlab qolish uchun to'p surgandek taassurot qoldirdi. Ikkala jamoada ham gol urish uchun jiddiy vaziyatlar sodir etilmadi. Bitta xato evaziga o'z darvozamizdan to'p o'tkazib yubordik. Qolgan vaqt davomida iordaniyaliklarga aytarli imkoniyat qoldirmadik. G'alaba qozonishimiz uchun esa ozgina omad etishmadi deb o'ylayman.

- Menimcha uchrashuvning eng yaxshi o'yinchisi Server Jeparov bo'ldi. SHuningdek Jasur Hasanovning harakatlarini ham alohida ko'rsatgan bo'lardim.

Islombek Rustambekov suhbatlashdi