Baxtiyor Ashurmatov: “Hozirgi futbolda "championat.asia"ning roli katta” (video)

Baxtiyor aka maydon chetida murabbiylik qilib tursa deb o'ylagandik. Biroq o'zi ham maydonga tugibyoshlar bilan tengma-teng to'p surdi. Bir so'z bilan aytganda, o'z jamoasining himoya qo'rg'oni bo'ldi. Baxtiyor Ashurmatov saytimizning uch yoshga to'lgani bilan qizg'in tabrikladi.

- Avvalo championat.asia saytining 3 yoshga kirgani bilan tabriklayman. Mana bugun ob-havo yomg'irli bo'lsa-da, ko'plar futbolchilar va muxlislar saytga o'z hurmatlarini namoyish etgan holda shou-tadbirga kelishdi. Buning uchun tashrif buyurganlarning hammasiga rahmat aytmoqchiman. championat.asia yurtimizdagi eng ilg'or futbol sayti hisoblanadi. Menga ayniqsa, saytning o'zbek futboli haqidagi xabarlarni tezkorlik bilan o'quvchilarga etkazishi yoqadi. Hozir axborot asrida yashayotgan ekanmiz, futbol yangiliklaridan tez xabardor bo'lishga barchamiz qiziqamiz. Buning uchun championat.asia katta hajmdagi ishni bajarmoqda va xabar-yangiliklarni imkon qadar o'z vaqtida muxlislarga etkazmoqda.

-  Malumki, siz katta futbolga kirib kelgan yillarda internet unchalik faol emasdi, odamlar asosan gazeta o'qishardi. Lekin bugungi futbolda saytlarning, xususan championat.asianing roli qanday deb o'ylaysiz?
-  championat.asia saytining roli katta deb o'ylayman. SHaxsan o'zim ham eng ko'p shu saytga kiraman va ko'proq oliy liga o'yinlaridan keyingi berib boriladigan murabbiylarning fikrini o'qib turaman. Futbol ichida faoliyat olib borar ekanmiz, har bir futbolchi va murabbiyning aytgan gapi barchamizga qiziq tuyuladi. Agar futbolchi va muxlislar o'rtasida mana shunday shou-tadbirlar ko'proq tashkil qilinsa, o'ylaymanki, bu ham mamlakatda futbolning ommaviylashishiga turtki bo'ladi.



Operator: Ilhom Rahmatov
Xayrulla Xoliqov suhbatlashdi.