Baxtiyor Ashurmatov: “G'alabamizda muxlislarimizni hissasi katta”

- Qo'qonda qo'lga kiritilgan g'alaba yigitlarda o'zlariga bo'lgan ishoch qaytgandek bo'ldi. Muxlislarimizda ishonchni oqlash harakatida bo'ldik. Raqib himoyaviy usulni tanlaganligi bois himoyachilarimiz ayrim vaziyatlarda to'pni bir-birlariga uzatib, “Buxoro” futbolchilarini oldinga chiqishlarini kutishdi. Barchaga malumki ishqibozlarimiz ancha talabchan sanalishadi. Yani ularga ko'proq kekin kurashlar va to'pni tezroq raqib darvozasi oldiga oshirish orqali xavfli hujumlarni tashkil etish kerak bo'ladi. Yana ham aniqroq qilib aytadigan bo'lsak, muxlislarimiz himoyaviy tarzda harakat qilishimizga qo'yishmaydi. Bu hol ayniqsa o'z maydonimizdagi uchrashuvlarda ko'zga tashlanadi. SHu sababli, hujumkor o'yin ko'rsatishimiz va muxlislarni xursand qilishimiz kerak. Fursatdan foydalanib, ishqibozlarimizga qo'llab-quvvatlashgani uchun rahmat aytgan bo'lardim. Raqib jamoa azolari darvozamizga gol urishgach, “Buxoro” jamoasini ham qo'llashdi. Bu vaziyatdan so'ng tushkun holatga tushib qolishimga ham oz qoldi. O'z navbatida aynan shu jihat futbolchilarimizga qo'shimcha kuch bag'ishladi. CHunki biz o'z maydonimizda yutqizishga haqqimiz yo'q edi. Yani ishqibozlarimiz uylariga xafa bo'lgan holda ketmasliklari kerak edi. Rostini aytganda o'yinni o'zimiz kutgan darajada boshlay olmadik. Biroz bo'sh boshlashimiz oqibatida o'z darvozamizdan birinchi bo'lib to'p olib chiqishga majbur bo'ldik. Muxlislarimiz etiroz bildira boshlashganidan keyin o'yinimizni kuchaytirishga erishdik. Natijada ijobiy natijani qo'lga kiritdik. Ushbu g'alabada muxlislarimizni hissasi katta bo'lganligini ham alohida etirof etgan bo'lardim. Amalga oshirilgan o'zgarishlar xususida gap ketganida, zaxiradan safga qo'shilgan Sanat SHixov o'zini yaxshi tomonlama ko'rsata oldi. Bunga misol tariqasida SHixovni penalti ishlaganligini va bir vaziyatda darvoza to'sinini nishonga olganligini aytib o'tish joiz. Umuman olganda qolgan vaziyatlarda ham munosib tarzda harakat qilib g'alabaga munosib ulush qo'shdi. Mamazulumovga kelsak u ancha vaqtdan berish o'yin amaliyotiga ega bo'lmayotgandi. SHu sababli unga bu safar imkon berdik. Ushbu hujumchimizning harakatlariga ham ijobiy baho berish mumkin. Agarda u gol ura olganida, ko'pchilikni fikri boshqacha bo'lardi. “Buxoro” jamoasi futbolchilari kamchilikda qolishgan bo'lsada, to'pni nazorat qilish borasida malum bir ustunliklarga ega bo'lishdi. Aynan shu sababli, Mamadalievni maydonga tushirdik. Qolaversa, Ahmedovda sariq kartochka borligini inobatga ham olib, Azimni almashtirishga qaror qildik.