Baxtiyor Ashurmatov: "Bu biz uchun og'ir zarba bo'ldi"

O'yin haqida

- Gapning ochig'i "Metallurg" bizning jamoa uchun juda ham noqulay raqib hisoblanadi. Ikki yildan buyon ularni yuta olmaymiz. Bugungi o'yinda goldan gapning ochig'i 3 ta hujumchi bilan o'ynay boshladik. Biz hujumga berilib ketganligimiz tufayli raqibda bo'sh xududlar paydo bo'ldi. Bizni xatto durang ham qoniqtirmas edi. Bugun xatolar bo'ldi, nafaqat bugungi o'yinda, balki 1-turda "Yangier" bilan o'yinda bizda xatolar boshlangan edi. Murabbiy sifatida aytaman, bir o'yinni o'tkazmasdan turib keyingi o'yinni o'ylamaslik kerak. Rotaciya o'z yo'liga, lekin natija eng muhimi. Ochkolar o'rnini to'ldira olmadik. "Metallurg" jamoasi Jasur Abduraimov qo'l ostida faol o'yin namoyish etmoqda, raqibni g'alaba bilan tabriklayman.

- Taqvim jamoangizga noqulay keldimi?

- Taqvim noqulay keldi deb aytsam yana fikrlar bildirilishi mumkin. Bitta Superliga jamoasi Birinchi liga yoki Pro-liga jamoasi bilan o'ynadi. "So'g'diyona", "Bunyodkor" va "Nasaf" jamoalari joylashgan guruhni “o'lim" guruhi deyildi. Lekin bu guruhda yaqqol autsayder bor edi. Eng qiyin guruh bizda edi. "Yangier" jamoasi ham juda yaxshi o'ynab turnirni tark etdi. Taqvim bo'yicha etirozim yo'q. Hayot davom etadi, bu biz uchun og'ir zarba bo'ldi. Oldinda bizni qiyin va murakkab o'yinlar kutib turibdi.

- Zaxiradan o'yinga qo'shilgan futbolchilar deyarli maydonda ko'rinishmadi...
- Hamidullo Abduhamidov 5 oy davomida futbol o'ynamadi. U "Mashal"ga qarshi o'yindan so'ng 45 daqiqa ham o'ynashga tayyor emas. Lekin o'tgan o'yindagi mahorati sabab o'yinga qo'ydik. Jamoa yutqazdimi, bunga murabbiylar shtabi aybdor.