Baxtiyor Ashurmatov: “Bizning hujumchidek futbolchilar O'zbekistonda juda kam”

- Bugungi o'yin har ikki jamoa uchun ham muhim edi. CHunki bu jamoalar ushbu tur oldidan kam ochko jamg'arishgandi. Qo'qonliklar oldingi turda AGMKga yutqazib qo'yishdi. Biz ham o'z maydonimizda “Qizilqum”ni mag'lubiyatga uchrata olmagandik.

O'yin oldidan yigitlarga takidlagandim, bugun faqat g'alaba qozonishimiz lozimligini. Yuzimiz yorug' bo'ldi. SHogirdlarimning birinchi bo'limdagi o'yinlari ancha mazmunli bo'ldi. Ular o'z oldilariga qo'ygan vazifalarni yaxshi bajarishdi. Qo'qonliklar esa ikkinchi bo'limni juda chiroyli o'yin ko'rsatishdi. Yuzaga kelgan ko'plab vaziyatlardan foydalana olishmadi. Omad biz tomonda bo'ldi.

O'zim Qo'qonlik bo'lganim uchun “Qo'qon-1912” jamoasiga befarq emasman. O'zim boshqarayotgan jamoadan tashqari boshqa o'yinlarda ularga muxlislik qilaman. Hali bu jamoa o'z so'zini aytishiga ishonaman. Buxorodan kelib bizni bevosita stadionda qo'llab-quvvatlagan muxlislarimizga minnatdorchilik bildiraman.

Ivan Nagaev juda ham tezkor hujumchi, bu kabi o'yinchilar O'zbekistonda juda kam. U jarohati bois ancha mashg'ulotlarda ishtirok eta olmadi. Mana sekin-asta sport formasini tiklab boryapti. Kelajakda Nagaevdan umidimiz katta", - deydi Baxtiyor Ashurmatov.