"Bavariya" ketma-ket 8 o'yindan buyon g'alaba nimalagini bilmay kelmoqda

"Arsenal" bilan bo'lib o'tgan 2014 yil, 19 fevraldagi ECHL nimchorak o'yinida Gvardiola shogirdlari 2:0 hisobida zafar quchishgandi.
Bu g'alaba Pepning "Bavariya"ga kelganidan keyin ECHL pley-off o'yinlarining safardagi birinchi va oxirgi g'alabasi bo'ldi. SHundan so'ng Gvardiola boshqaruvida "Bavariya" ushbu bosqichda mehmondagi birorta uchrashuvda g'alaba qozonolmay kelmoqda.
Bu seriya "Atletiko"ga qarshi kechgan Madriddagi bellashuvdan so'ng 8taga etdi.

Xosep Gvardiolaning "Bavariya" bilan ECHL pley-off uchrashuvlarining safardagi natijalari:

2013/2014 mavsum
CHorak final.
"Manchester Yunayted" - "Bavariya" 1:1
Yarim final.
"Real" - "Bavariya" 1:0

2014/2015 mavsum
Nimchorak final.
"SHaxtyor" - "Bavariya" 0:0
CHorak final.
"Portu" - "Bavariya" 3:1
Yarim final.
"Barselona" - "Bavariya" 3:0

2015/2016 mavsum
Nimchorak final.
"Yuventus" - "Bavariya" 2:2
CHorak final.
"Benfika" - "Bavariya" 2:2
Yarim final.
"Atletiko" - "Bavariya" 1:0

SHuni qayd etish lozimki, "Bavariya" jamoasi ketma-ket ikki mavsumdirki yarim finalga qadar etib kelib, aynan shu bosqichda o'z yurishini to'xtatmoqda. Bu safardagi yarim final o'yinlarining birinchisida ham "Bavariya" yana Ispaniyada, ispan murabbiyi qo'li ostida shu yurt jamoasi tomonidan mag'lub etildi. Javob bahsida "Bavariya" vaziyatni o'z tomoniga og'dirib olish imkoniyatiga ega.

Myunxenliklar Pep Gvardiola boshqaruvi ostida ECHL yarim finallardagi ishtiroklari orqali ham maqtana olishmaydi. Ispan mutaxassisi bilan hozirga qadar o'ynalgan 5ta yarim final o'yinining to'rttasida imkoniyat raqibga boy berilgan. Faqatgina o'tgan yilgi "Barselona"ga qarshi kechgan Myunxendagi uchrashuvda mezbonlar 3:2 hisobida g'alaba qozonishgandi. Ammo ba g'alaba ularni finalga yo'l olishlariga etarli bo'lmagan.

Ushbu mavsum yakunlangach "Bavariya" bosh murabbiyi sifatida ishlab kelayotgan Gvardiola "Manchester Siti"ga yo'l oladi va myunxenliklarni Karlo Anchelotti qabul qilib oladi.

Uch mavsum davomida myunxenliklarni boshqarib kelgan dunyoning eng qimmat maosh oluvchi murabbiyi "Bavariya" bilan ECHL pley-off uchrashuvlarining safardagi o'yinida atiga bir marta g'alaba qozondi. Jamoa "Atletiko" to'sig'idan o'tib olsa ham endilikda bu ko'rsatkichni to'g'irlash uchun Pepga imkoniyat yo'q. CHunki final neytral maydonda o'tkaziladi.