"Bavariya" "Borusiya M" yarim himoyachisini diqqat bilan kuzatib bormoqda

Sky Sport Deutschland xabariga ko'ra, "Bavariya" mutasaddilari bir necha bor 23 yoshli shveycariyalikning vakillari bilan bog'lanishgan. Biroq manbaning axborot berishicha, futbolchining yaqinlashib kelayotgan qishki transfer oynasida "Bavariya"ga o'tish ehtimoli kam.

Asosiy sabab – futbolchining tizzasidagi jarohati. U jarohat tufayli Germaniyaning joriy chempionatida bironta ham uchrashuv o'tkazmagan.

Avvalroq Zakariyaga nafaqat "Bavariya", balki "Manchester Yunayted" va "CHelsi" ham qiziqish bildirayotgani haqida xabarlar tarqalgan edi.