"Barselona"ning ikki muhim futbolchisi "Osasuna"ga qarshi o'ynamaydi

"Barselona" klubi terma jamoa o'yinlaridan keyin ikki muhim futbolchisiga dam berishga qaror qildi. Ronald Arauxo va Rafinya "Osasuna"ga qarshi 27 mart kungi o'yinda maydonga tushishmaydi. Bu haqda "Barsa" bosh murabbiyi Xans-Diter Flik malum qildi.

"Rafinya va Arauxo tarkibda yo'q. Ular o'ynashmaydi, chunki parvoz juda uzoq bo'ldi. Ularning holati optimaldan uzoq. Mashg'ulot va tiklanish bu ikki futbolchi uchun muhimroq. 

Jamoa yaxshi formada, bugungi mashg'ulotlarda ajoyib mehnat qilishdi. O'zimizga ishonmoqdamiz. Uch ochko uchun kurashamiz, g'alaba qozonsak, bu ochkolar cho'ntagimizda bo'ladi", -deydi Xans-Diter Flik.