"Barselona" Fati borasidagi qarordan mamnun emas

ESPN FC xabariga ko'ra, yosh futbolchi Ispaniyaning 17 yoshgacha bo'lgan termasiga chaqiriladi va 26 oktyabrdan 17 noyabrga qadar bo'lib o'tadigan jahon chempionatida ishtirok etadi. U 5 hafta davomida klub tasarrufida bo'lmasligidan "Barselona" rahbariyati mamnun bo'lmayapti. Murabbiylar endi ishonch berayotgan vaqtda futbolchi klubda bo'lmasligi rahbarlarni tashvishga solmoqda. Ansu Fati "Barsa" tarkibidagi ilk golini 31 avgust kuni "Osasuna" darvozasiga urgandi.

16 yoshli Fati Gveniya-Bissauda tavallud topgan bo'lsa-da, Ispaniya fuqaroligini oldi.