"Barselona" 17 yoshli hujumchiga ko'z tikdi

Sport.es xabariga ko'ra, klublar o'rtasida allaqachon ilk aloqalar bo'lgan. "Barselona" hujumchini yangi Luis Suaresga aylanish uchun etarli salohiyatga ega deb hisoblamoqda.

Manbaga ko'ra, "Barselona" prezidentining maslahatchisi Deku va "Atletiko"ning texnik koordinatori Luis Felipe Skolari o'zaro yaxshi munosabatda bo'lganlari, ular bir-birini 20 yildan ko'proq vaqt davomida bilishlari transferga hissa qo'shishi mumkin.

"Barsa"ning Roke uchun asosiy raqobatchilari "Real" va APL klublari sanaladi.

2022 yilda hujumchi "Atletiko Paranaense" safida barcha musobaqalar doirasida 36 ta o'yinda maydonga tushib, 7 ta gol urdi va 3 ta golli uzatmani amalga oshirdi. Uning klub bilan kelishuvi 2027 yilning 31 mayigacha amal qiladi.

Transfermarkt portali futbolchini 11 million evroga baholagan.