"Bankirlar"dan yana bir g'alaba yoxud “NBU-Osiyo” - “SHaxtyor” (Qarag'anda) – 1:0

Aytib o'tish lozimki, garchi uchrashuv o'rtoqlik va nazorat sinov maqomida bo'lsa ham qiziqarli bahslarga boy bo'ldi.

"Bankirlar" tarkibida jamoa etakchilari Leonid Koshelev, Davron Valijonov, Javlon Guseynov kabi etakchilar maydonga tushmagan bo'lsada uchrashuvni o'z foydasiga hal qila olishdi. Uchrashuvning etiborga molik jihatlari haqida to'xtalib o'tadigan bo'lsak, birinchi bo'limning so'ngi daqiqalarida Rufat Akramxo'jaev shogirdlari penaltidan hisobni ochishlari mumkin edi. Lekin bunday imkoniyatdan jamoa yarim himoyachisi Sarvar Safarov foydalana olmadi.

Ikkinchi bo'limda “NBU-OSIYO” vakillari murabbiydan kerakli ko'rsatma olib chiqqanligi qolaversa, murabbiyning tarkibdagi bir qator o'zgarishlarni amalga oshirganligi o'z samarasini berdi. 85-daqiqada Farhod Baxtiyorov tomonidan kiritilgan gol uchrashuv taqdirini hal qildi. SHunday qilib, Rufat Akramxo'jaev boshchiligidagi birinchi liga vakilimiz navbatdagi o'rtoqlik uchrashuvda ham g'alaba qozonishdi.

“NBU-OSIYO” - “SHaxtyor” (Qarag'anda) – 1:0
Gol: Farhod Baxtiyorov (85 daq)
“NBU-OSIYO”: Ruslan Matniyozov, Abbos Po'latov, Muhiddin Jumaboev. Mirshoxid Olimov, Adham Normuhammedov, Ulug'bek Boqiev, Sarvar Safarov, Avaz Ismatov,  Idris Bikmaykin, Jahongir Soqiev, Akmal Ergashev.
Zaxiradan maydonga tushganlar: Iskandar Raximov, Abubakr Abdurahmonov, Eldor CHoriev, Farxod Baxtiyorov.