Balotelli: “Karantinning ilk kunlarida karton qog'ozini edim”

“Agar hozir menga to'pni bersangiz, ilk urunishdayoq uni bo'y sundira olmayman. Oxirgi 2 haftada aqldan ozdim, boisi yolg'iz qolgandim. Qizim Neapolda, o'g'lim esa Cyurixda. Onamning yoshi o'tgan va himoyaga muhtoj. Aka-ukalarim farzandlari bilan karantinda, shu tufayli bir o'zim qoldim.

Yugurish yo'lakchasisiz, odatdagidek mashq qilish qiyin. Ruxsat tegmagan bo'lsa-da, biroz yugurish uchun uyim yaqinidagi parkka chiqdim.

Dastlabki, uch kun davomida karton qog'ozini edim va devor bo'laklarini tishlamoqchi bo'ldim, chunki qanday ovqat tayyorlashni bilmasdim. Yaxshiyamki, ovqatga buyurtma berishga muvaffaq bo'ldim”, deydi Mario.