Bayram munosabati bilan "Mashal" - "Buxoro" uchrashuviga kirish bepul bo'ladi

Xotira va qadrlash tushunchasi chuqur manoga egadir. Ushbu kunda fashizmga qarshi kurashishlarda qatnashgan, qolaversa o'z Vatanini himoya qilishda jonini fido qilgan, xalq orzu qilgan erkinlik uchun kurashgan milliy qaxramonlarimizni ruxini shod etib eslash ham farz ham qarzdir.

 9 may – Xotira va kadrlash kuni munosabati bilan xalkimizning ezgu fazilatlari yanada yorqin namoyon bo'ladi. Ikkinchi jaxon urushi daxshatlarining guvoxi bo'lgan kishilar tobora kamayib bormokda. Yoshlikning navqiron chog'larini urush olovlarida, janggohlarda o'tkazib, bugungi tinch va osoyishta hayotimiz uchun kurashgan insonlar jasorati bekiyosdir. Fashizm ustidan kozonilgan galabaga bu yil 70 yil to'ladi. Ana shu voqealar, kechgan og'ir kunlar yodi bugun nafaqat urush qatnashchilari, balki butun avlodlar xotirasidan hali xamon o'chgani yo'q.

 SHu o'rinda Ikkinchi jahon urushida halok bo'lgan minglab yurtdoshlarimiz xotirasini yod etish, olovli janggohlardan omon qaytgan bobolarimizga, og'ir kunlarni sabr-bardosh bilan enggan, mashaqqatli daqiqalarda ham o'zligini yo'qotmagan, imoni butun yurtdoshlarimizga hurmat-ehtirom ko'rsatish tom manoda milliy qadriyatga aylandi. Bu hol yoshlarni yurtparvarlik, mehnatsevarlik, ajdodlarining eng yaxshi ananalaridan faxrlanish, ularga munosib vorislar bo'lish ruhida tarbiyalashda beqiyos ahamiyatga ega.

 Barcha fahriylarimizni, aziz yurtdoshlarimizni Xotira va qadrlash kuni bilan tabriklaymiz!

 Yurtimiz tinch, osmonimiz musaffo, mustaqilligimiz abadiy bo'lsin!

Ushbu bayram munosabati bilan "Mashal" PFK jamoasi xalqimizni, futbol ixlosmandlarini muborakbod etadi. Stadionimizda esa futbol bayrami bo'lib o'tadi. Oliy liganing 8-turidan o'rin olgan "Mashal" - "Buxoro" uchrashuvi bugun,  18:00 da,  Muborakdagi Bahrom Vafoev nomli stadionida start oladi. Bayram munosabati bilan bugun bo'lib o'tadigan mazkur o'yinga kirish muxlislar uchun bepul bo'ladi. SHunday ekan bugun jamoamizni stadionda qo'llab-quvvatlang.

Eslatib o'tamiz, "Mashal" - "Buxoro" o'yini 18:00 da start oladi.