Bahodir SHamsiddinov: "Xorazm"ga achinarli tarzda mag'lub bo'ldik. "Istiqlol"ning maqsadi - Superligaga chiqish"

"CHiroyli o'yin bo'ldi, muxlislar bilan to'la tribuna ostida ajoyib o'yin guvohiga aylandik. Achinarlisi "Xorazm"da deyarli vaziyatlar bo'lmadi uzoqdan chiroyli gol urishdi, ikkinchi taymda tashabbus biz tomonda bo'ldi. Ikkinchi golda hech kimni ayblab bo'lmaydi, raqib futbolchisi ajoyib zarba berdi. "Xorazm"ni g'alaba bilan tabriklayman, keyingi o'yinlarda omad tilayman. Biz esa bugungi o'yindan xulosa chiqarib tayyorgarlik olib boramiz.

Mavsumga tayyorgarlik jarayonidan ko'nglimiz to'ldi.

Maxstaliev, Mamazulumov va Saidovning sport formasi? Siz aytgan futbolchilarning bari tajribali. To'g'ri ularning yoshi katta bo'lishi mumkin, ammo tajriba katta. Mamazulumov zaxiradan maydonga tushib vaziyatlarga ega bo'ldi, biroq ura olmadi. Maxstaliev asosiy tarkib futbolchisi, zaxiradan maydonga tushirib o'yinni kuchaytirishga harakat qildik.

"Istiqlol"ning vazifasi - Superliga! Moliyaviy holatimiz yaxshi, yomon emas. O'tgan yildan qarzdorliklar yo'q. Rahbariyatimiz har tomonlama sharoitlar yaratib berilmoqda", - deydi Bahodir SHamsiddinov.