Bahodir Nasimov Dinamoga qaytdi

Superliga birinchi davrasini “Navbahor” jamoasi safida o'tkazgan tajribali hujumchi Bahodir Nasimov “Dinamo” klubiga qaytdi. 32 yoshli forvard shartnomani uzaytirish huquqi bilan “Navbahor”dan ijaraga olindi.

Samarqand futboli tarbiyalanuvchisi bo'lmish Bahodir Nasimov 2009 yilda 22 yoshida “Dinamo”dan Rossiyaning “Rubin” klubi safiga o'tgan edi. Oradan 10 yil o'tib, Rossiya Premer-Ligasi, Ozarbayjon, Eron, Janubiy Koreya chempionatlarida muvaffaqiyatli to'p surib, shuningdek “Bunyodkor”, “Buxoro”, “Navbahor” klublarida ham faoliyat ko'rsatdi va kuni kecha “Dinamo” klubi bilan kelishuvga erishdi.