Bahodir Ahmedov: "O'zbekistonga yulduzlar tashrifi ko'paysa, futzal yanada rivojlanadi"
06 okt 2024 15:39
Yangiliklar

Bahodir Ahmedov: "O'zbekistonga yulduzlar tashrifi ko'paysa, futzal yanada rivojlanadi"

"Humo Arena"da bo'lib o'tgan jahon va o'zbek futboli hamda futzali yulduzlari o'rtasidagi o'rtoqlik o'yinidan so'ng O'zbekiston futzal terma jamoasi yordamchi murabbiyi Bahodir Ahmedov saytimizga intervyu berdi.

"Yurtimizda o'tkazilayotgan jahon chempionati biz uchun katta bayram. Buning uchun yurtboshimizga hamda O'FA rahbariyatga minnatdorchilik bildiraman. Bunday yirik musobaqani o'tkazish oson emas. Jahon chempionati yosh futzalchilarimizga turtki beradi. O'ylaymanki, keyingi yillarda futzalimiz yanada rivojlanadi.

Futzal yulduzlariga qarshi professional o'yinchilik faoliyatim davomida to'qnash kelganman. Ularga qarshi to'p tepish juda zavqli. Bunday bellashuvlar bizni xursand qiladi. O'ylaymanki, bu kabi yulduzlarning mamlakatimizga tashrifi ko'paysa, futzalimiz rivojiga hissa qo'shadi", - dedi Bahodir Ahmedov.