Bahodir Ahmedov: "Guruhdagi eng xavfli raqib - Afg'oniston"
29 iyu 2019 17:37
Yangiliklar
![](https://championat.asia/upload/storage/509333_original.jpg)
![](/upload/storage/509333_220.jpg)
Bahodir Ahmedov: "Guruhdagi eng xavfli raqib - Afg'oniston"
Futzal. JCHga yo'llanma beradigan Osiyo chempionati saralashiga qura tashlandi
Unga ko'ra, O'zbekiston terma jamoasi Markaziy & Janubiy zonaning "A" guruhida Tojikiston, Nepal va Afg'oniston terma jamoalari bilan bellashadi. Saralashga tashlangan quradan keyin terma jamoamiz bosh murabbiyi Bahodir Ahmedovning fikrlari bilan qiziqdik.
- Biz saralashda kuchli guruhdan joy oldik. Raqiblarimiz orasida eng xavflisi Afg'oniston terma jamoasi. Ularning ko'plab futzalchilari Eronda to'p tepishadi va forslarning uslubida o'ynashadi. Tojikiston terma jamoasi haqida ham iliq fikrlarni bildirish mumkin. Nepal haqida esa malumotlar ko'p emas. Oxirgi qita birinchiligi saralashida Nepal bilan o'ynaganmiz (Osiyo chempionati-2018 saralashi doirasida 2017 yilning 15 oktyabr sanasida terma jamoamiz Nepalni 14:1 hisobida taslim etgan). O'shandan beri ularning o'yinini ko'rmaganmiz, endi videolarni olib o'rganib chiqamiz.
5 avgustdan 10 kunlik navbatdagi yig'inga kirishamiz. 20 avgustda esa O'zbekiston chempionati 2-davrasi start oladi.
29 avgustdan Rossiyaning Nijniy Novgorod shahrida xalqaro turnir boshlanadi. Ushbu turnirda "Spartak" (Moskva), Rossiya U-19 terma jamoasi, Nijniy Novgorod jamoasi va biz ishtirok etamiz.
O’xshash yangiliklar
![AMP Logo](https://championat.asia/image/logo-amp.png)
Fikrlar