BAA O'zbekistonga qarshi o'yingacha to'rt nafar braziliyalik va ikki afrikalik futbolchini mahalliylashtiradi
28 avg 19:02
Yangiliklar
![](https://championat.asia/upload/storage/800136_original.jpg)
![](/upload/storage/800136_220.jpg)
BAA O'zbekistonga qarshi o'yingacha to'rt nafar braziliyalik va ikki afrikalik futbolchini mahalliylashtiradi
Birlashgan Arab Amirliklar terma jamoasi 2026 yilgi Jahon chempionatiga yo'l olishni jiddiy maqsad qilmoqda.
Amirliklarning portugaliyalik bosh murabbiyi Paulu Bentu mundialga yo'l olish uchun mavjud imkoniyatlardan to'liq foydalanmoqchi. Jumladan, mamlakatda besh yildan beri faoliyat yuritib kelayotgan xorijlik futbolchilarni mahalliylashtirish orqali tarkibni yana-da kuchaytirishni reja qilgan.
Jumladan, 2019 yildan beri BAAda istiqomat qilayotgan "Al Nasr"ning braziliyalik himoyachisi Glauber Lima va "Dibba Al Fujayra"ning zimbabvelik yarim himoyachisi Tafadzva Dlivayo iyul oyidan boshlab mamlakat terma jamoasi sharafini himoya qilish imkoniyatiga ega bo'ldi.
SHuningdek, BAA oktyabr oyiga qadar kot-d'Ivuarlik Kuame Otonn Kuadio ("Al Ayn" himoyachisi) va yana uch nafar braziliyalik futbolchini mahalliylashtirishni reja qilgan, Bruno Konseysan de Oliveyra ("Al Jazira" hujumchisi), Jonatas da Anunsiasan Santos ("Al Ayn" yarim himoyachisi) va Lukas Pimenta ("Al Vahda" himoyachisi).
Eslatib o'tamiz, Birlashgan Arab Amirliklari JCH-2026 saralash bosqichida Eron, Qatar, O'zbekiston, Qirg'iz Respublikasi va SHimoliy Koreya bilan bir guruhdan o'rin olgan.
Kuame OCHLning o'tgan mavsumida "Paxtakor" va "Nasaf"ga qarshi to'p tepgan.
Arablar O'zbekistonga qarshi ilk o'yinini 15 oktyabr kuni mehmonda o'tkazadi.
O’xshash yangiliklar
![AMP Logo](https://championat.asia/image/logo-amp.png)
Fikrlar
O'zimizni qorako'zlarimizdan qo'ymasin. Olg'a O'zbegim!
Баа хам биз билан эрон хамда катарни олдига кушилди
Баа хам биз билан эрон хамда катарни олдига кушилди