Azim Ahmedov: "U-22 Osiyo chempionatida munosib ishtirok etishiga ishonaman"

Biz ushbu uchrashuvlar boshlanishdan oldin terma jamoamizning barcha azolari va nomzod futbolchilari bilan bu borada suhbatlashib chiqdik. Bularni sizga taqdim etamiz.

"Navbahor" klubi azosi Azim Ahmedov
1992 yil 4 yanvar. Yarim himoyachi
Bu yildagi statistikasi: 21 ta o'yin 1306 daqiqa

"Bu terma jamoamiz Osiyo chempionatida munosib ishtirok etishiga ishonaman. Garchi saralash bahslarida ijobiy natija qayd etdi deya olmasam ham chempionatda boshqacha ishtirok etadi. Hali yakuniy tarkib elon qilingani yo'q va hamma munosiblar o'rin oladi deb o'ylayman. Birinchi marta tashkil etilayotgan chempionatda kimni favorit ekanligini aytish qiyin. O'zbekiston bilan bir guruhdan o'rin olgan Xitoy, Saudiya Arabistoni, Iroq kuchli jamoalar lekin bizning terma jamoa ham bu yosh toifasida ayni vaqtda eng kuchli tarkiblardan biriga ega" - deya o'z fikrlarini bildirib o'tadi Azim Ahmedov.