Asror G'ofurov: "Bahrom Haydarov futbolchilardan har bir o'yinda intizom va hujumkorlikni talab qilmoqda"
15 iyu 2020 21:45
Yangiliklar
![](https://championat.asia/upload/storage/574467_original.jpg)
![](/upload/storage/574467_220.jpg)
Asror G'ofurov: "Bahrom Haydarov futbolchilardan har bir o'yinda intizom va hujumkorlikni talab qilmoqda"
Jangovar ruhda kechgan uchrashuvda tomonlar durang natija qayd etishdi(2:2). Biz esa bahsdan so'ng mezbonlarning tajribali futbolchisi Asror G'ofurovning fikrlari bilan qiziqdik.
"Ob-havoning issiqligi ikki jamoaga ham qiyinchilik tug'dirdi. Boshqa tomondan uch oyga yaqin o'yin amaliyotsiz qoldik. Endilikda kirishib olishimizga bir muncha vaqt ketadi. Ha, "Lokomotiv" bilan o'rtoqlik uchrashuvida ham, bugun ham taym o'rtalariga kelib o'yinimiz ochilmoqda. Buni sezdingiz. Dastlabki 15 daqiqa har bir jamoa uchun moslashib olishga sarflanadi.
Murabbiyimiz mashg'ulotlarda bizdan nima istayotganini tushuntirib bermoqda. Nima kutayotganini ongimizga singdirmoqda. Vaqt o'tishi bilan ular istagan o'yinni ko'rsata olamiz. Bahrom Haydarov bizdan maydonda intizomga amal qilishimizni va hujumkor futbol ko'rsatishimizni talab qilmoqda. Ikkinchi bo'limda iroda ko'rsata oldik va hisobdagi farqni yo'qqa chiqardik. "Mashal" tarkibida iqtidorli yosh futbolchilar to'p tepmoqda. Ularning kelajagi porloq. Muhimi katta tanaffusdan so'ng chempionatni boshlab oldik. Endidikda mashg'ulotlarda o'z ustimizda ko'proq ishlaymiz. Oldinda oson bo'lmagan o'yinlar kutmoqda. Biz har bir bahsda g'alaba qozonishni xohlaymiz",- deydi Asror G'ofurov.
O’xshash yangiliklar
![AMP Logo](https://championat.asia/image/logo-amp.png)
Fikrlar