Asilbek Qayumov: "Jamoamizni tajribali murabbiy boshqarmoqda"

Futboldagi dastlabki bilimlarimni tajribali murabbiy Saidahmad Burhonovdan olganman - deydi Asilbek Qayumov. U kishi yoshligimda yoshligimda o'zi murabbiylik qilayotgan jamoaga taklif etib, futbol sir-asrorlari haqida o'rgatganlar. Keyinchalik Farg'ona shahridagi "Neftchi" futbol maktabi jamoasi tarkibiga borib qo'shildim va respublikamiz miqyosida o'tkazilgan turli xil musobaqalarda ishtirok etdim, tajriba to'pladim.

"Yozyovon-Lochinlari" futbol klubiga futbolchi va murabbiy Zokirbek Nurmatovni tavsiyasiga ko'ra borib qo'shildim. Bu jamoaga kelib qo'shilishim bilan  tezda kirishib ketdim. "Yozyovon-Lochinlari" ahil jamoa ekan, futbolchilar bilan bir oiladekmiz. Ilk uchrashuvlarda jamoamizdagi tajribali futbolchilar meni qo'llab-quvvatlashdi, ulardan ko'p narsalarni o'rganmoqdaman.Umuman olganda bu jamoa safida o'ynayotganimdan xursandman.

"Yozyovon-Lochinlari" futbol klubi rahbariyati va murabbiylari bizga mashg'ulotlar o'tkazish, futbol o'ynash uchun barcha sharoitlarni yaratib berishmoqda. Bilasizlar, jamoamizni tajribali murabbiy - Salimjon Zokirov boshqaradi. Bosh murabbiyimiz bizni yangi mavsumga munosib tarzda tayyorlamoqda deb o'ylayman.

Kelajakda o'z oldimga Superliga jamoalarida o'ynash, nasib qilsa milliy terma jamoamiz safida to'p surishni maqsad qilganman. Nasib qilsa meni qo'llab-quvvatlayotgan murabbiylarimni ishonchini oqlayman degan umiddaman.

Bekzod Tolibov yozib oldi.