Arveladzening do'sti, "Xall Siti" egasi avtofalokatga yo'liqdi

Klub 53 yoshli magnatning jarohatlangani va jarrohlik amaliyotidan o'tishini malum qildi. Uning qo'li singan va to'liq tiklanish uchun operaciya qilinadi. Hodisa chog'ida mashina ichida uning qizi Banu Ilijali ham bo'lgani aytilmoqda. "Xall" uning tezroq tuzalib ketishiga tilakdosh ekanini o'z sahifalarida bildirib o'tgan.

Ilijali "yo'lbarslar"ni Allam oilasidan sotib olgan edi va uning boshqaruvida klubda bir qator islohotlar amalga oshirildi. Jamoaning natijalarida ham o'sish kuzatildi. 

Ilijali boshqaruvga kelgandan so'ng ikki o'yindan keyin jamoa murabbiyini almashtirib, do'sti SHota Arveladzeni ushbu vazifani bajarish uchun olib kelgandi.

"Paxtakor" sobiq ustozi Arveladze qo'l ostidagi "Xall Siti" CHempionship 10 turidan so'ng 24 jamoa orasida 20-o'rinda boryapti.