Artur Gevorkyan: "G'alabada stadionga kelgan har bir muxlisning o'z ulushi bor"

"O'z uyimizdagi dastlabki o'yin doimo og'ir va qiyin kechadi. Masuliyati ham yuqori bo'ladi. Futbol bayramiga kelgan har bir muxlisning ushbu juda muhim bo'lgan g'alabada o'z hissasi bor. Ular bugun ajoyib muhitni yaratib berishdi. Ularga bu uchun alohida rahmat. G'alaba bilan muxlislarimizni ham tabriklab o'tmoqchiman. Qarshidagi dastlabki uchrashuvni g'alaba bilan boshlaganimizdan juda xursandman. Bu yoqimli hislarni taqdim etmoqda. Stadionning ishqibozlar bilan liq to'lishi futbolchilarga qo'shimcha ishtiyoq va kuch bag'ishlaydi. Umid qilamanki, qolgan barcha o'yinlarda ham muxlislar stadionni to'ldirib turishadi va ajoyib muhit yaratishda faollik ko'rsatishadi. G'alaba esa ularga sovg'a bo'ldi", - dedi Artur Gevorkyan.