"Arsenal" sobiq skauti Mbappeni ko'ndirmoqchi bo'lgani haqida gapirib berdi

O'shanda Mbappe "Monako"da o'ynardi. Futbolchi 2017 yilning 31 avgustida ijara asosida PSJga ko'chib o'tgan va keyinchalik parijliklar uni to'liq sotib olishgandi. 

"Biz Mbappeni ancha oldin, 2016 yilda olib o'tishga harakat qilgandik. 

Londonda uning ota-onasi bilan uchrashganmiz. O'shanda ular Arsen Venger bilan mashg'ulot bazasiga kelishgan. Keyin esa biz Kilian bilan uchrashish uchun Franciya janubiga borganmiz. 

O'sha uchrashuv biz uchun noto'g'ri vaqtda bo'lib o'tgan. Biz "Suonsi"ga yutqazganimizning ertasiga ko'rishganmiz. Undan oldin esa "Old Trafford"da mag'lub bo'lgandik. 

O'shanda uch kundan keyin "Tottenxem"ga qarshi muhim o'yinimiz ham bor edi. Demak, o'shanda muzokaralar uchun noto'g'ri vaqt tanlangan. U bizga rad javobini bergan va "Monako" bilan yangi shartnoma imzolagan", - dedi Grimandi.