APL. "Manchester Yunayted" minimal hisobda g'alaba qozondi
14 sen 2019 20:54
Yangiliklar

APL. "Manchester Yunayted" minimal hisobda g'alaba qozondi

Angliya chempionati 5-turidan o'rin olgan uchrashuvlardan biri bo'lib o'tdi.

Markus Reshfordning 8-daqiqada penaltidan urgan goli mankunianliklarga g'alaba keltirdi.

Manchester United

Marcus Rashford - 8'

Premier League . 5-tur

14/09/2019, 19:00

Tugadi

Leicester City

Stadion: Old Trafford, 73689 tomoshabin

Bosh hakam: Martin Atkinson

45'

90'

Match-senterda ochish

APL. 5-TUR. Markaziy o'yin.

"Manchester Yunayted" - "Lester" 1:0

14 sentyabr, 19:00, "Old Trafford"

Gol: 8, Reshford (penalti) - 1:0.

"Manchester Yunayted" – De Xea, Maguayr, Van-Bissaka, Lindelef, Yang, Maktomini, Pereyra, Matich (67, Fred), Jeyms (90, Tuanzebe), Mata (70, CHong), Reshford.

Zaxira: Romero, Jons, Gomes, Grinvud.

"Lester" – SHmeyxel, Rikardu Pereyra, Evans, CHiluell, Seyundjyu, Meddison, CHouduri (58, Perez), Grey (68, Barns), Ndidi, Tilemans, Vardi.

Zaxira: Uord, Morgan, Jastin, Praet, Olbrayton.

Ogohlantirish: Meddison (75).

TURNIR JADVALI

UCHRASHUV YAKUNLANDI. MYU G'ALABA QOZONDI.

90+2. NDIDIIII! Kuchli va biroz noaniq zarba. De Hea reakciya ko'rsatishga kech qolgandi. Hisob o'zgarmay qoldi.

Ikkinchi bo'limga 4 daqiqa qo'shib berildi.

90. O'zgarish. Jeyms o'rniga kongolik Tuanzebe tushdi.

88. Perreyraning 30 metrlardan bergan zarbasi SHmeyxelga qiyinchilik tug'dirmadi.

83. Reshforrrrrd! To'p tepdimi, o'q uzdimi? Darvoza to'sini va ustuni kesishgan joyni nishonga oldi.

75. Ogohlantirish. Meddison Maktominining oyog'iga qo'pol tashlandi va Atkinson buni ko'rib turgan edi.

70. O'zgarish. Mata o'z o'rnini 19 yoshli CHong ga bo'shatib berdi.

68. "Lester" ham o'zgarish amalga oshirdi. Grey o'rniga Barns tushirildi.

67. MYUda o'zgarish. Matich o'rniga Fred tushdi.

63. Ikkinchi bo'limda to'p nazorati 43-57(%). Mehmonlar foydasiga.

57. O'zgarish: CHoduri o'rniga Ayoze Perez tushdi.

56. Meddison jarima zarbasini golga aylantirishiga bir necha santimetr halaqit berdi. Bu holatda De Xea joyidan siljishga ham ulgurmagandi. To'p darvozani yuqori to'qqizligining yonginasidan o'tib ketgandi.

51. Mata ketma-ket ikkita zarba berdi. Birinchi aniq zarbani SHmeyxel qaytarib muvozanatni yo'qotgandi, ammo yuzaga kelgan ushbu vaziyatda Mata ikkinchi zarbada anchagina adashdi va imkoniyatdan foydalana olgani yo'q.

50. Jeyms to'pga burama zarba berdi, biroz noaniq.

47. Ushbu o'yinga oid qiziqarli fikrlarni Tvitter ijtimoiy tarmog'ida #MUNLEI xeshtegi orqali qidiqruv bergan holda topishingiz va o'z fikrlaringiz bilan bo'lishishingiz mumkin (albatta, xorijiy tillarni bilsangiz)

Ikkinchi bo'limni mehmonlar boshlab berishdi.

TANAFFUS

45. Birinchi bo'limga 2 daqiqa qo'shib berildi.

41. O'yin tempi so'nggi 10 daqiqa ichida tushib ketdi. To'p asosan maydon markazida harakatlanmoqda.

32. "Lester" ancha jonlanib qoldi, ular ham bir necha marta De Heani bezovta qilishga ulgurishdi. CHilvelning super zarbasi va chiroyli seyv ham mana shu oraliqda sodir bo'lganini aytish kerak.

23. Mata maydon marazidan hujum boshladi. Jeyms chap qanotdan yurish qildi va raqib jarima maydonchasiga uzatmani amalga oshirdi, ammo bu erda MYUdan hech kim yo'q edi.

20. Yang burchakdan to'p uzatdi, Evans uni qaytardi va hujum bartaraf etildi.

15. MYU to'p nazoratini qo'lga olmoqda. Ular bu mavsum mag'lubiyatga uchramagan "tulkilar"dan ustun kelishyapti, hozircha.

8. GOL! Reshford bu safar penaltidan unumli foydalandi - 1:0.

7. Penalti bormi? Atkinson VAR tizimidan foydalanmoqda. Ha, PENALTI! Reshford ishlab oldi va o'zi tepadi.

6. Xarri Maguayr bugun o'zining sobiq jamoadoshlariga qarshi o'ynamoqda.

4. Arg'imchoq usulidagi o'yin boshlanib ketdi. Bu safar seyv qilish navbati De Xeaga kelganini ko'rdik. Meddison zarbasini ispaniyalik posbon o'z mahoratini ko'rsatib, to'pni qaytarib yubordi.

3. MYU standart vaziyatga ega bo'lmoqda. Zarbaaa! Pereyraning kuchli va yuqori to'qqizlikka bergan zarbasini Kasper SHmeyxel bir amallab qaytarishga erishdi. Burchak to'pi.