APL etakchisi Kuboni sotib olmoqchi

Manbaning xabariga ko'ra, "Liverpul" allaqachon 22 yoshli yaponiyalik vingerning transferi borasida ispan klubi bilan bog'langan, biroq u mersisaydliklar safiga o'tishdan bosh tortgan. 

Qayd etilishicha, Kubo mavsumni “Real Sosedad”da yakunlashga qaror qilgan. "Liverpul" vingerga qiziqishni yo'qotgani yo'q va uni yozgi transfer oynasida yana sotib olishga harakat qiladi. 

Joriy mavsum Kubo barcha turnirlarda 25 ta uchrashuvda maydonga tushib, 6 ta gol urdi va 4 ta golli uzatmani amalga oshirdi. Futbolchining "Real Sosedad" bilan shartnomasi 2027 yilning o'rtalariga qadar tuzilgan. Transfermarkt portali ekspertlari Kuboning narxini 60 million evroga baholamoqda.