APL. "CHelsi" MYUga to'rtta gol urdi

O'yinning 30-soniyasida Markos Alonsoning ajoyib pasidan so'ng Pedro uchrashuvdagi hisobni ochdi - 1:0. Hali muxlislar o'z joylariga o'rnashib olishmagandi ham. Uchrashuvning 21-daqiqasida mezbonlar ikkinchi bor gol urishdi. Burchak to'pidan so'ng Gari Keyxill De Xea qo'riqlayotgan darvozani ishg'ol qildi - 2:0. 

Bahsning 61-daqiqasida Eden Azar Matichning pasidan so'ng jarima maydoniga kirib bordi va darvozaning uzoq pastki burchagini nishonga oldi - 3:0. Yana 10 daqiqa o'tgach Ngolo Kante hujumda paydo bo'ldi va raqib himoyachisini aldab o'tib De Xeaga to'rtinchi golni urib ketdi - 4:0. 

CHelsi – Manchester Yunayted 4:0

23 oktyabr, 20.00, Stemford Bridj

Gollar: 1:0 – 1 Pedro, 2:0 – 21 Keyxill, 3:0 – 62 Azar, 4:0 – 70 Kante.
CHelsi – Kurtua, David Luiz, Keyxill, Alonso, Aspilikueta, Matich, Mozes, Pedro (CHaloba, 71), Kante, Azar (Villian, 78), Diego Kosta (Batshuayi, 78).
Manchester Yunayted –   De Xea, Valensiya, Smolling, Bayi (Roxo, 52), Blind, Lingard (Marsyal, 65), Fellayni (Mata, 46), Errera, Pogba, Reshford, Ibragimovich.
Ogohlantirishlar: Pedro (1), Bayi (29), David Luiz (41), Alonso (66), Pogba (75).