Andrey SHipilov: “SHahzod uchun xursandman”

-  Qiziqarli, murosasiz o'yinning shohidi bo'ldik. Har ikkala jamoa hujumkor futbol namoyish etishdi. SHogirdlarimning harakatlaridan qoniqdim, etirozlarim yo'q. Ob-havoning keskin o'zgarishi tufayli maydonni o'yinga tayyorlash oson kechmadi. Uchrashuvgacha sifatli maydonni taqdim etganligi bois stadion ishchi va xodimlariga minnatdorlik bildiraman. Bugun shogirdlarim o'z vazifalariga sidqidildan, professional tarzda yondoshishdi. Bor kuch va mahoratlarini ishga solishdi. Hujumda ham, himoyada ham tartibli o'ynadik. Uydagi o'yin uchun etarlicha gollik vaziyatlarni yaratdik. Bugun kombinacion va hujumkor futbol namoyish eta olganligimiz bosi maqsadga erishdik. Standartdan gol urdik. Ikki oydan buyon uyda g'alaba qozona olmayotgandik. SHahzod Ubaydullaev o'zini ko'rsatdi. Uning yana jismoniy holatini tiklab borayotganligidan xursandman. CHempionatda yana bitta uchrashuvimiz qoldi. Muborakda “Mashal”ga qarshi o'ynaymiz. Endi shu o'yinga tayyorgarlikni boshlaymiz.

- Yoshlar jamoangizning mamlakat birinchiligida g'olib chiqqanligi bilan tabriklaymiz. Asosiy tarkibning bu yilgi mavsumdagi ishtirokidan ko'nglingiz to'ldimi? O'zbekiston kubogida qanday natijalarni ko'zlayapsizlar?
- Tabrik uchun rahmat. Haqiqatan ham Bekobodda futbolni rivojlantirish uchun salmoqli ishlar olib borilayapti. Uch yil mobaynidagi mehnat va izlanishlar tufayli o'ziga xos jamoani shakllantira oldik. Asosiy tarkibimiz ketma-ket ikki mavsum beshinchi o'rinni qayd etdi. Yoshlarimiz ham kuchli oltitalikdan pastga tushishmadi. Bu yil esa ular muddatidan oldin chempionlikni rasmiylashtirishdi. Bu bizning to'g'ri yo'ldan ketayotganligimizni ko'rsatadi. Natijalar qilayotgan mehnatlarimizning samarasi deb bilaman. Asosiy tarkibning ayni paytda egallab turgan o'rnidan albatta qoniqmayapman. Biz sovrindorlar safiga kirmasakda, kuchli to'rttalik, beshtalikda bo'lishga loyiq edik. Ammo futbolda omad degan faktor ham bor. Ikkinchi davrada juda ko'plab uchrashuvlarda bu omil bizdan yuz o'girdi. Yutayotgan o'yinlarimizda ochko yo'qotdik. SHuning hisobiga o'rtamiyona jamoalar qatoriga tushib qoldik. Oldinda “Mashal”ga qarshi uchrashuv turibdi. Bor diqqat etiborimiz ushbu uchrashuvga qaratiladi. Undan keyin O'zbekiston kubogidagi ishtirokimiz haqida o'ylaymiz, - deydi Andrey Sergeevich.