Andrey SHipilov: "Oldindan tayyorlab qo'ygan rejalarimiz ish berdi"

Andrey SHipilov, “Metallurg” PFK bosh murabbiyi: - Biz mazkur o'yinga juda jiddiy tayyorgarlik ko'rgandik. “Nasaf” bilan durangdan keyinoq men futbolchilarga “So'g'diyona”ga qarshi uchrashuv juda muhim va og'ir kechishini uqtirgandim. Kutganimizdek bo'ldi. Dastlabki o'n besh, yigirma daqiqa mobaynida katta bosim harakatlarimizga salbiy tasir ko'rsatdi.

Ammo tezda o'zimizga keldik. Raqibni har tomonlama o'rganganligimiz qo'l keldi. Ikkinchi bo'limdan etibora tezlikni oshirdik. Va standart holatlarga oldindan tayyorlab qo'ygan rejalarimiz ish berdi. Bugun barcha o'yinchilarimning harakatlaridan qoniqish hosil qildim. Jamoani bu o'yinga puxta tayyorlashda yordam bergan murabbiylar shtabimizga alohida tashakkur bildiraman.

Oldinda yanada qiyin o'yinlar turibdi. CHempionatda poytaxtning ikki grand jamoasi – “Bunyodkor” va “Paxtakor” bilan kuch sinashamiz. Bu o'yinlar oralig'ida O'zbekiston kubogining dastlabki bosqichida Jizzaxga safar uyushtiramiz. Ishlashdan, muxlislarimizni xursand etishdan to'xtamaymiz".