Andrey Miklyaev: "Paxtakor" bizga muxlislik qilishi kutilmagan, lekin yoqimli holat"

"Ketma-ket ikkinchi yil finalda o'ynaymiz. Yurtimizga qish kirib keldi. Maydon xalal bermasligini istaymiz", - deydi Andrey Miklyaev.

"Mavsum ko'plab jamoalar uchun yakunlandi. Ammo ikki jamoani ertaga muhim o'yin kutib turibdi. Ertaga kim kuchli bo'lsa g'alaba qozonadi deb o'ylayman", - deydi Timur Kapadze.

- Ertaga ashaddiy raqibingiz "Paxtakor" sizlarga muxlislik qiladi. Bu yoqimlimi?
- Albatta yoqimli (kuladi). Bu kutilmagan va yoqimli holat.  

- Ertaga professional faoliyatingizdagi so'nggi uchrashuvni o'tkazasiz. Har bir futbolchi ishqibozlar to'la stadionda o'tkazgisi keladi, shu munosabat bilan muxlislarga aytar gapingiz bormi?
Timur Kapadze: - Barcha muxlislarga, murabbiylarga, futbolchilarga va jurnalistlarga rahmat aytaman. Ertaga mening xayrlashuv o'yinim emas avvalo final. SHu bois muxlislar finalni ko'rish uchun kelishadi. Aslida men faoliyatimni terma jamoa safida yakunlashni istagandim. Ammo vaziyat taqozosi bilan bu amalga oshmadi. Ertaga muxlislar ko'p kelishlarini xohlayman.  

- Sizni murabbiy sifatida ko'rishimiz mumkinmi?
Timur Kapadze: - Albatta, bu maqsadlarimdan biri. Murabbiylikka o'qib ishlashni rejalashtirib turibman.

- Ertaga "Bunyodkor"ga g'alaba ko'proq kerak. Sababi klub OCHLda o'ynamoqchi.  

- Buni raqib o'ylasin. Biz maydonga g'alaba uchun tushamiz. Maqsadimiz kubokni qo'lga kiritish.

- Xorijda o'qib qaytish rejada bormi?
Timur Kapadze: - Agar imkoniyat bo'lsa, albatta xorijda tahsil olib qaytishga harakat qilamiz.

- Penaltilar seriyasiga tayyorlandingizmi?
- Yo'q. Bunga tayyorlanmadik.

- Maydon holati erlatib o'ynashga imkon beradi deb o'ylaysizmi?
- Bu stadionda ko'plab o'yinlar o'tkazganmiz. Bu erda o'z ishining ustalari ishlashadi. SHunday ekan mashg'ulotda maydon holatiga to'la baho bera olamiz.

- Faoliyatingizdagi eng yodda qolgan holatlar haqida nimalar deya olasiz?
Timur Kapadze: - Eng esda qolarli o'yinim: Qatardagi Osiyo Kubogidagi barcha o'yinlar. Eng alamlisi esa Avstraliya bilan bahs. O'sha o'yinda biz g'alaba qozonishimiz lozim edi, kuchlar teng edi, ammo omadimiz kelmagandi. Eng yodda qolgan golim esa Toshkentda KXDR bilan o'tgan bahsda bosh bilan urgan golim.  

Narzulla Saydullaev