Andrey Miklyaev: “Futbolchi maydonda raqibini hurmat qila olishi kerak”

Matbuot anjumanining dastlabki qismida “Lokomotiv” jamoasi bosh murabbiyi Andrey Miklyaev va  Sanjar SHoahmedovlar ishtirok etishdi.

Andrey Miklyaev: - Bugun juda qiyin va qiziqarli uchrashuv bo'ldi. “Nasaf”ni kuchli jamoa ekanligini hammamiz bilamiz. Bugun ular o'z muxlislari ko'z o'ngida juda yaxshi o'yin namoyish etishdi va haqli g'alabaga erishdi. Stadiondagi muxlislarning olqishi ham zo'r bo'ldi. Afsuski, biz ijobiy natijani qo'lga kirita olmadik. “Nasaf”ni bugungi g'alabasi bilan tabriklayman.

Bugungi o'yinda ko'p sariq kartochka oldik. Va yana qizil kartochka ham oldik. Bundan ko'rinadiki, bu jamoamizda tarbiyaviy ishlarga ko'proq etibor qaratishimizni taqozo etadi. Futbolchi maydonda raqibini hurmat qila olishi kerak. Axir u ham o'zidek futbolchiku.

Sanjar SHoahmedov: - Bugun qiyin o'yin bo'ldi. Har ikkala jamoa ham chiroyli o'yin namoyish etishdi. Stadiondagi muhit ham ajoyib bo'ldi. Afsuski biz g'alabaga erisha olmadik.