Andrey Miklyaev: "Bu o'yin "Sepaxon"ga qarshi bahsga tayyorgarlik vazifasini bajardi"

"Hisobdan qoniqdim. Lekin himoyadagi o'yinimiz biroz yoqmadi. Tezkor gol bizga yordam berdi. "Sepaxon"ga qarshi o'yinda himoyadagi bunday xatolarga yo'l qo'yish yaramaydi", - deya so'z boshladi "Lokomotiv" bosh murabbiyi Andrey Miklyaev.

Futbolchilarimiz terma jamoalarga chaqirilishdi. Jarohatlar ham bo'ldi. To'xtaxo'jaevning jarohati jiddiy emas. "Sepaxon"ga qarshi o'yin oldidan unga dam berishga qaror qildik. Yanichich esa hali safga qaytgani yo'q. Xatolar bo'lgan bo'lsada, gol o'tkazib yuborganimiz yo'q. Bu o'yin bizga eronliklarga qarshi o'yinga tayyorgarlik vazifasini bajardi desak ham bo'ladi.

Hujumchilar nafaqat hujum qilishni, balki himoyalanishni ham bilishi lozim.

O'zbekiston CHempionati va CHempionlar Ligasi boshqa boshqa saviyadagi turnirlar.

Yoshlar doimiy ravishda bir tempda o'yin ko'rsatmaydilar. Ularga vaqti vaqti bilan imkon berishga harakat qilmoqdamiz. Umid qilamizki, ular tajribali futbolchilar oldida tajriba orttiradilar", deydi "temiryo'lchilar" ustozi Andrey Miklyaev.