Andrey Miklyaev: "BAAdan kelgach rahbariyat bilan uchrashuv bo'ldi"

- O'yin ruhiy taraflama muhim ahamiyat kasb etardi. OCHLdagi muvaffqiyatsizlikdan keyin bizga g'alaba zarur edi.
Uchrashuvga keladigan bo'lsak, birinchi bo'limda to'liq tashabbus bilan o'ynadik. Ammo yaratilgan vaziyatlardan unumli foydalana olmadik. Ikkinchi taymda esa Ignatiy Nesterov bizni gollardan saqlab qoldi va keyinchalik o'zimizni gollarimizni urdik.
Nesterov? Har bir darvozabon o'z sherigini xatosini kutadi. Mamur Ikromov jamoamiz darvozasini qo'riqlagan uchrashuvlarda adashmagani uchun uni almashtirishga sabab yo'q edi. SHu boisdan ham "Al Ahli" bilan bahsda Ikromovni darvozaga qo'ygandik. Ammo adashdik.
Bizda darvozabonlar bo'yicha murabbiy bor. Kimni qachon tayyor ekanligini darvozabonlar murabbiyi maslahat beradi. Ikromov xato qildi va zaxiradan joy oldi. Endi Ikromov Nesterovni xatosini kutadi (kuladi). Darvozabonlarning boshqa chorasi yo'q.
OCHLdagi muvaffaqiyatsizlikdan keyin, BAAdan kelishimiz bilan rahbariyat bilan uchrashuv bo'ldi. Endi bor etiborimizni ichki chempionatdagi o'yinlarga qaratamiz. CHempionat va kubok bahslaridagi vazifalarni bajarishga harakat qilamiz.