Андрей Микляев: "Ал Ҳилол"дан олдин "Пахтакор" билан муҳим ўйинимиз бор"

Narzulla Saydullayev

8 май 2016, 19:54

"Обод" - "Локомотив" учрашувидан кейин ташкил этилган матбуот анжуманининг биринчи қисмида меҳмонлар устози Андрей Микляев қатнашди.

"Барчаси режамиз бўйича кетди. Гол уришимиз керак эди, урдик ва ғалаба қозондик. Яна кўпроқ уришимиз мумкин эди. Рақиб ҳимояда ўйнашини билардик. "Обод" қарши ҳужумда ҳаракат қилди", - дейди Микялев.

- Файзиев асосий таркибдаги ўрнини йўқотиб қўйдими?
- Нимага энди. Бизда рақобат жуда кучли, шу боис барчага имконият бераяпмиз. Ким ўзини кўрсатса асосий таркибда тушади.

- Иван Нагаев кам майдонга тушмоқда...
- Бир вақтнинг ўзида уч нафар ҳужумчи билан ўйнай олмаймиз. Шу боис ҳозирча Иван Нагаев фақат захирадан тушмоқда.

- Жамоа мағлубиятсиз серияни давом эттирмоқда. Шундай бўлса ҳам камчиликлар борми?
- Албатта. Камчиликларимиз жуда кўп. Фақат бу ички сирларимиз. Камчиликлар устида иш олиб бораяпмиз.

- "Ал Ҳилол"ни ўрганишни бошладингларми?
- Тўғриси ҳозирча бу жамоани ўрганишни бошлаганимиз йўқ. Сабаби олдинда бизни "Пахтакор"га қарши муҳим баҳс кутиб турибди.