“Andijon”, “Surxon”, “Mashal” hamda “Qo'qon-1912” uy o'yinlarini neytral stadionda o'tkazadi

Olingan malumotlarga ko'ra, “Andijon”, “Surxon”, “Mashal” hamda “Qo'qon-1912” jamoalari uy stadionlaridagi yoritkich bilan bog'liq muammo sabab, Superliganing 11-turidan o'rin olgan uy o'yinlarini neytral maydonda o'kazadi.

Joriy yilning 14 may kuni O'zbekiston Futbol Associaciyasining majlislar zalida o'tkazilgan yig'ilishda, O'FA rahbariyatining topshrig'iga asosan yuqorida nomlari keltirib o'tilgan jamoalarning uy stadionlarida yoritish tizimi 2021 yilning 15 iyun kuniga qadar talab darajasiga keltirilmasa, mazkur futbol klublarining uy uchrashuvlari neytral stadionda o'tkazilishi qatiy belgilangan edi.

Ayni vaqtda mazkur futbol klublarining stadionlari yoritish tizimi talab darajasiga keltirilib ulgurilmagani, 2021 yilning 15 iyun kuniga qadar ham yoritish tizimini yaxshilash imkonsiz ekanligi malum bo'lmoqda.

SHu sababli O'zPFL Superliganing 11-turidan o'rin olgan “Mashal” – “Turon”, “Surxon” – “Paxtakor”, “Andijon” – AGMK, “Qo'qon-1912” – “Nasaf” uchrashuvlarini hamda 12-tur doirasidagi “Surxon” – “Bunyodkor” o'yini boshqa neytral maydonda o'tkazishi bo'yicha klublarga rasmiy aloqa xati yuborgan.

SHu munosabat bilan mazkur uchrashuvlardagi mezbon futbol klublari tomonidan qayd etilgan uchrashuvlarni aynan qaysi stadionda o'tkazilishi yuzasidan joriy yilning 12 iyun kuniga qadar taklif berilishi so'ralgan.