“Andijon” rahbariyatida o'zgarish yuz berdi

Mazkur yig'ilishni Andijon viloyati hokimining birinchi o'rinbosari Muhammadjon Nishonov olib bordi. Yig'ilishdan ko'zlangan maqsad klub rahbariyatida yuz bergan o'zgarishni malum qilish edi. Bungacha klub vice-prezdienti sifatida ishlab kelgan Marufjon Abdisolomov o'z arizasiga binoan istefoga chiqqani o'qib eshittirildi. Endilikda ushbu lavozimda Jahongir Madixonov faoliyat olib boradigan bo'ldi. 2002 yildan buyon shahardagi “Navro'z” stadionida direktor sifatida mehnat qilib kelayotgan Jahongir SHavkatovich ilgari ham klubda boshqa lavozimda ishlagandi. Yangi mavsumdan endi Madixonovning o'zi klubni boshqaradigan bo'ldi.

Klub qarorgohida bo'lib o'tgan yig'ilishda murabbiylardan Vitaliy Legay, Rasul Rahmonov va o'ndan ziyod futbolchilar hamda klub ishchi xodimlari qatnashib, o'z fikrlarini bildirib o'tishdi.

Yig'ilishda klubning yangi rahbari so'z olib, masuliyatli vazifani qabul qilib olganini va imkon qadar mahalliy futbolchilarga etibor qaratgan xolda, jamoani eng avvalo kuchlilar safiga qaytarishni hamda rahbariyat, muxlislar tomonidan bo'layotgan ishonchni oqlash uchun ishga jiddiy yondoshishini bildirib o'tdi.

Yig'ilish so'nggida rahbariyat va murabbiylar o'zaro maslahatlashgan holda “Andijon”ning navbatdagi yig'ini 5 yanvar kunidan boshlab tashkil etilishi malum qilindi.