"Andijon" o'z maydonidagi noxush ananaga chek qo'ya oladimi?

Jamoalar chempionat doirasida o'zaro 40 marotaba to'qash kelgan. SHundan 17 tasida bekobodliklarning qo'li baland kelgan bo'lsa, 12 uchrashuvda andijonliklar ustunlik qilishgan. Yana 11 o'yinda tomonlar murosa ko'chasini tanlagan. To'plar nisbati — 56:67, "Metallurg" foydasiga.

Superligaga qaytishini shov-shuv bilan boshlagan vodiy klubining shiddati keyingi turlarda pasaydi. Dastlabki turlarda raqiblari tomonidan "bombardimon" qilingan "Metallurg"da esa aksincha, yangi murabbiy qo'l ostida o'z o'yinini topib olmoqda. SHunga qaramasdan, mezbonlar o'z maydonida, mehmonlar esa hali safar uchrashuvida g'alaba nashidasidan bahramand bo'lgani yo'q.

Oxirgi o'zaro besh uchrashuv

"Andijon" — "Metallurg" 1:2

"Metallurg" — "Andijon" 2:0

"Metallurg" — "Andijon" 1:1

"Andijon" — "Metallurg" 0:2

"Metallurg" — "Andijon" 0:2

Uchrashuvni o'tkazib yuboradigan futbolchilar

Abdulaziz Yusupov - "Andijon"

Asilbek Aysarov - "Andijon"

Eldor Adhamov - "Andijon"

SHerzod Esanov - "Andijon"

Ahtam Nazarov - "Andijon"

SHahboz Erkinov - "Andijon"

Qiziqarli faktlar

- "Andijon" ketma-ket to'rt o'yindan beri "Metallurg"ni mag'lub eta olmayapti;

- SHuningdek, "Andijon" o'z maydonidagi so'nggi to'rt o'yinda "Metallurg"ni engolmagan;

- "Andijon" Superliga doirasida o'z maydonidagi oxirgi beshta uchrashuvda raqiblarini mag'lub eta olmagan;

- "Metallurg" ham Superliga doirasida mehmondagi to'rt uchrashuvda g'olib chiqmagan.

Hakamlar

Uchrashuvni Husan Muzaffarov boshchiligidagi hakamlar brigadasi boshqarib boradi. Bu 26 yoshli hakamning Superligadagi uchinchi uchrashuvi hisoblanadi. O'tgan yili toshkentlik hakam "Metallurg" ishtirokidagi ikki, "Andijon" qatnashgan uchta o'yinda ishlagan. Qiziq tomoni, ushbu bahslarda ikkala jamoa ham mag'lubiyatga uchramagan.

Oqil Abdubarnoev tayyorladi