Anchelotti: “Napoli” ertami-kechmi “Yuve”ning gegemonligiga chek qo'yadi

Ancheloti A seriyaning navbatdag 26-turi oldidan “Yuventus”ga qarshi kechadigan bahs oldidan shu taxlit fikrlarini bildirib o'tdi. Ayni paytda Turin superklubi eng yaqin taqibchisi, 2-o'rinda borayotgan “Napoli”dan 13 ochko ilgarilab ketgan.

“Turnir jadvali aldamaydi: “Yuventus” ko'rsatayotgan o'yin maqtovga loyiq. Turinliklar ayni paytda qolganlardan kuchliroq.
Ushbu mavsumda bizda bir qancha omadsiz o'yinlar bo'ldi, ammo umumiy olganda hozircha hammasi joyida. “Yuventus” Neapolga barcha masalani hal qilishga, Skudettoni yutish uchun hal qiluvchi qadamni tashlash uchun keladi. Mehmonlar o'zlarining kuchli jihatlarini namoyon etishga urinishadi: jamoaviy himoya, qarshi hujum, kurashga chanqoqliq va Ronaludning tezligi... SHu bilan birga “Napoli” ham “Yuve”ga qarshi qattiq kurashishi lozim. Ularga munosib raqib bo'lishimiz kerak. SHunday bo'lmaganda, men bu erda ishlamasdim. Ertami kechmi biz albatta ulardan ustun bo'lamiz, men bunga ishonaman”, deya Anchelottining so'zlaridan iqtibos keltirmoqda La Stampa.