Ana xolos! Neymar faoliyatini Turkiyada davom ettirishi mumkin

"Fanatik" portaliga ko'ra, 33 yoshli vingerga Istanbulning "Fenerbaxche" klubi qiziqish bildirmoqda.

Qayd etilishicha, Turkiya grandi Neymarga yana bir mavsumga uzaytirish imkoniyati bilan 1 yillik shartnoma taklif qilgan. Futbolchining "Santos" bilan amaldagi bitimidagi bandga alohida etibor qaratish lozim, unga ko'ra u Evropaning istalgan klubiga tekinga o'tish huquqiga ega.

Neymar joriy yil 14 o'yinda maydonga tushib, 3 ta gol urdi va 3 ta golli uzatmani amalga oshirdi. Xorij jamoalarining faol qiziqishiga qaramay, "Santos" rahbariyati ham hamkorlikni davom ettirishdan manfaatdor va futbolchi bilan shartnomani uzaytirishni rejalashtirmoqda.