Turinning "Yuventus" klubi "Roma" bilan safarda durang qayd etgan (0:0) bo'lsada, muddatidan oldin chempionlik masalasini hal qildi. Shu tariqa, "keksa sinoralar" ketma-ket ettinchi bor bosh sovrinni o'zlariniki qilishdi. Bu esa A Seriya rekordi hisoblanadi.
O'z navbatida, turinliklar bosh murabbiyi Massimiliano Allegri Yevropa Top-5 chempionatlari tarixida ketma-ket 4 bor oltin dubl (Chempionat+kubok g'olibligi) qayd etgan birinchi murabbiy bo'ldi. Eslatib o'tamiz, Allegri "Yuventus" boshqaruviga 2014 yilda kelgan va o'shandan buyon har yili ham chempionat, ham kubokni o'ziniki qilmoqda.
